رواية حب مجهول بقلم ملك ابراهيم (كاملة) الجزء الثاني

جواها وعقلها وقف عن التفكير وخرجت والمايه المغليه في ايديها ومرام قاعدة براحة وبتبصلها بسخريه. 
بسمه وقفت قدامها والمايه المغليه في ايديها ومرام قاعده بثقه ومنتظره ان بسمه تجهز لها الشاي.. وفي لحظه وبدون ما مرام تنتبه او بسمه تفكر لحظه قبل اللي هتعمله وقامت بسمه راميه المايه المغليه كلها في وش مرام اللي قامت تصرخ پجنون وبسمه رجعت لورا وهي بتبصلها بجمود وشاكر صړخ في بسمه وبسمه مش سامعه اي حاجة ومرام عماله تصرخ ووشها كله اتحرق والجيران اتجمعوا على صوت صړاخها وفضلوا يخبطوا جامد ومرام تصرخ اكتر ومبقتش قادرة تفتح عينيها لان المايه المغليه اذت عينيها كمان وشاكر قاعد هيتجنن واتحرك بالكرسي المتحرك اللي قاعد عليه وفتح الباب للجيران وهو پيصرخ وبيقول بكل صوته الحقوها بسرعه بسمه كانت عايزة تموتها...في المكان المخطوفين فيه احلام وهند. 
هند بتعب احلام انا ايدي وجعتني اوي هما ليه رابطينها لورا مش ربطوها قدامنا. 
احلام مش عارفه مع انهم المرة اللي فاتت ربطوها قدامنا انا وبسمه وعرفت افكها بسهوله. 
هند بتعب طب احنا هنفضل قاعدين كده انا زهقت وكمان جعانه اوي. 
احلام بابتسامة متقلقيش اكيد هيبعتولنا دلوقتي اكل حلو.. المرة اللي فاتت طارق بعتلي كل الاكل اللي انا بحبه وكمان بعت عصير وشوكولاتة. 
هند يارب يبعتوا الاكل بقى انا ھموت من الجوع. 
في نفس الوقت خارج الاوضة المخطوفين فيها. 
الحرس اللي خاطفينهم كانوا قاعدين بياكلوا من اكل كان متخزن في المكان اللي هما فيه واتكلم واحد منهم هما اللي جوه دول مش هياكلوا ولا ايه 
حارس تاني لما ناكل ونشبع هندخلهم اللي يتبقى مننا. 
واحد تاني من الحرس وهندخلهم ايه بقى دا العيش ناشف هنا بقاله كام شهر والجبنه شكلها عفنت ودول بنات مش هيستحملوا اكلنا ده! 
الحارس مش احسن ما يموتوا من الجوع. 
وقام لبس قناع واخد باقي الاكل اللي كان معاهم ودخل عندهم. 
احلام وهند وقاعدين يتكلموا واول لما الحارس دخل اتكلم بصوته الضخم انا جبتلكم اكل. 
هند اتحمست وبصت لاحلام واحلام همست ليها بثقة مش قولتلك هيبعتولنا الاكل اللي بنحبه. 
الحارس حط قدامهم كيس الاكل وكان لسه هيخرج بس احلام وقفته. 
احلام هو احنا هناكل ازاي وايدينا مربوطه كده! 
الحارس بصلهم وقرب منهم وفك قيود ايديهم وقالهم مش عايزين نسمعلكم صوت بقى. 
وخرج الحارس واحلام قالت بغيظ ماشي بس لما الباشا جوزي يبطل هزار معانا ويظهر والله لاخليه يرفدك. 
هند فتحت كيس الاكل بسرعه وحماس اول لما فتحته رجعت ورا بسرعه پصدمة وهي بتكتم انفها من الريحه المقززه. 
هند پصدمة ايه القرف ده يا احلام انتي من امتى وانتي بتحبي القرف ده!
احلام شمت الريحه بستغراب قبل ما تشوف الاكل وقالت هما جيبين لنا فسيخ ولا ايه! 
واخدت الكيس تفتحه وبعدته عنها بقرف ايه القرف ده هما جيبين لنا ايه.
هند وهي كاتمه انفها الاكل شكله بايظ يا احلام. 
احلام بعصبيه لاااا بقى دول زودوها اوي وكده مفيش قدامنا غير اخر خطه. 
هند بستغراب خطة ايه 
احلام بصتلها وهمست ليها انا هعمل نفسي تعبانه وانتي اصړخي وقولي اني تعبانه وبموت وهنلاقي طاهر كشف نفسه لينا وطارق هيجي على طول. 
هند بقلق انتي متأكده يا احلام 
احلام اه متأكده ويلا خلصي بقى انا بطني وجعتني بجد من الريحة دي. 
احلام صړخت پألم وحطت ايديها على بطنها وهند جريت على الباب تخبط عليهم وتصرخ الحقونا احلام تعبانه اوي. 
احلام بهمس ل هند اصړخي اكتر عشان يصدقوا. 
هند الحقووووونا يالهووووووي البنت ھتموت مني يا ناس ياهووو يالي هنا ياولاد الحلال البنت ھتموت مني. 
احلام بغيظ ولاد الحلال ايه انتي بتشحتي! 
عند الحرس برا اول لما سمعوا صوت صراخهم. 
اتكلم واحد من الحرس مش قولتلكم دول بنات ومش هيستحملوا الاكل ده! 
واحد تاني من الحرس ما احنا اكلنا منه وزي الفل اهو دا دلع بنات فاضي. 
وقرب من الباب و رد عليهم والباب مقفول بطلي زن انتي وهي الاكل مفيش فيه حاجة واحنا اكلنا منه قبلكم.. لو مسكتوش انتوا الاتنين احنا هنعرف شغلنا معاكم. 
هند رجعت للخلف پخوف وقربت من احلام وقالت احلام سمعتي. 
احلام بصت قدامها پصدمه وبصت حواليها وبدأت تقارن بين المكان اللي هما مخطوفين فيه دلوقتي وبين المكان اللي طارق كان خاطڤها فيه وبدأت تقلق وقالت ل هند بهمس ربنا يستر وميكنش اللي في دماغي صح. 
هند بقلق قصدك ايه 
بصت احلام حواليها وقالت طارق وطاهر لما كانوا خاطفينا كان في بيت نضيف مش على الارض في مكان مش نضيف كده! وكمان كان طاهر اللي بيدخلنا بنفسه وطارق كان قالي انه مستحيل يسمح لحد غريب هو اللي يدخلنا! هند احنا شكلنا مخطوفين بجد. 
هند بصتلها پصدمة وقالت پخوف يعني احنا مخطوفين بجد 
احلام