للعشق وجوه كثيرة نورهان العشري قيثارة الكلمات ج١ كاملة

جعل الڠضب يتعاظم بداخله فقالت بهسيس خشن
_ مشي ! على كدا كارما و علي فين هما كمان 
كاميليا بعفوية
_ على و كارما في الجنينه بره ..
هنا تأكدت شكوك يوسف فازداد غضبه و تضاعف كثيرا لاشتراكها بالكذب عليه فقال بجفاء 
_ علي و كارما قاعدين في الجنينه و انت بتدوري عليا وانت بتشم هوا و أدهم روح . دا ميبقاش ابن الحسيني لو عملها . بتشتغلوني انتوا الاتنين 
قال الأخيرة بصړاخ جعل كاميليا تنتفض من مكانها ليجيبه مازن محاولا تهدئته 
_ اهدى يا يوسف محدش بيشتغلك .
يوسف بقسۏة
_ بتكذبوا عليا عيني عينك كدا عادي ! شايفيني عيل صغير قدامكوا 
الټفت إلى كاميليا التي اخفضت رأسها بحزن و قد غلفت عيناها طبقه كريستاليه رقيقه من الدموع التي تهدد بالهطول فقال بنفس نبرته
_و الهانم بتكذب و عينها في عيني عادي 
هنا تدخل مازن
الذي شاهد حالة كاميليا فحاول تهدئة الوضع قائلا 
_ يوسف لو سمحت اهدي و وطي صوتك كاميليا ملهاش ذنب انا اللي طلبت منها تعمل كدا .
تدخلت كاميليا التي شعرت بإهانة كبيرة من حديثه معها 
_ ثواني يا مازن . انا مقصدتش اكذب عليك انا كنت هقولك بس تهدى شويه عشان انت مبتشوفش شكلك و انت متضايق بيكون عامل ازاي 
تأثر يوسف بمظهرها و حديثها و لكن فكرة أن تكذب عليه اغضبته كثيرا فاكد مازن علي كلماتها 
_ احنا فعلا كنا هنقولك بس بعد ما تهدى و نعرف نتكلم معاك و تفهمك .
استنكر يوسف حديثهم فقال ساخرا
_ تفهموني ! هو انا في حاجه تانيه لسه مفهمتهاش 
اندفعت كاميليا پغضب 
_ اه فيه . محدش له الحق أنه يمنع أدهم عن غرام غير غرام نفسها . حتى لو هو غلط في حقها عمره ما يوقفه عند حده غيرها . هي بس اللي في أيدها القرار تسامحه أو تقوله أنها مش عايزاه في حياتها . لكن لو مين وقف مش هيقدر يمنعه و انت عارف كدا كويس .
دا قرارهم هما الاتنين احنا ملناش دخل فيه .
علت نبرة صوتها من فرط الڠضب و الحزن الذي يأكل قلبها من الداخل فرأت بعينيه نظرات التحذير لتقرر الهرب من في تلك اللحظة خوفا من عدم سيطرتها على عبراتها التي لم تعد جفونها قادرة على حملها أكثر من ذلك فقالت بجمود 
_ انا هطلع اشوف كارما و علي ..
وما أن خطت خطوتين حتى اوقفتها لهجته الآمرة 
_ استني عندك .
ما أن التفتت إليه فاجأتها نظراته الغاضبة و كلماته التي أحزنته أكثر 
_ متطلعيش لوحدك . روح معاها يا مازن و اعملي حسابك ساعه و هنسافر .
هزت رأسها بالإيجاب و التفتت للجهه الأخرى تجاهد منع دموعها ليلحق بها مازن الذي لعڼ بداخله جميع عائله الحسيني فقد شعر بالذنب لإقحام كاميليا في هذا الوضع .
كانت كارما تحاول أن تعرف ماذا حدث بين علي و غرام و لكن الأخير لم يعطها اي إجابه بل ظل صامتا طوال الوقت ناظرا أمامه فآثرت كارما الصمت هي الأخري و الذي قطعه ظهور مازن بجانبه كاميليا و التي كانت ملامح وجهها توحي بالحزن الكبير فتوجهت إليها كارما لتسألها بلهفه
_ في ايه يا كاميليا مالك انت معيطه و لا ايه 
_ لا أبدا مفيش حاجه .
هكذا أجابتها كاميليا ليتدخل علي قائلا باهتمام
_ امال مالك كدا 
_ زعلانه عشان يوسف قال هيمشوا كمان شويه .
تولى مازن الإجابة بدلا عنها لينقذها من نظرات علي النافذة لتومئ برأسها بالإيجاب فاحتضنتها كارما بحب قائله 
كدا يا كامي هتمشي تاني دا احنا ما صدقنا جيتي .
بادلتها كاميليا الاحتضان و قد سمحت لبعض العبرات بالهطول و قالت بحزن كبير 
_ ڠصب عني يا كارما انا لو كان عليا مش عايزة اسيبكوا أبدا و امشي .
صاح مازن بامتعاض
_ اه انتوا هتقلبوها نكد بقى . لا والنبي كفاية اللي شفناه التلت ايام اللي فاتوا ارحمونا شويه .
وافقه علي الرأي قائلا
_ اول مرة تقول حاجه صح في حياتك . بالله عليك انت و هيا خدوا بعض واقعدوا على جنب عيطوا براحتكوا احنا دماغنا خربت .
نظرت إليهم كارما شذرا ثم قالت بسخرية
_عالم متبلدة المشاعر . منعدمين الأحساس .
قاطعها مازن قائلا بهيام 
_ طب و ربنا انا كلي احاسيس انت اللي مش واخده بالك .
باغته علي بلكمه في كتفه قائلا پغضب 
_ ولا انت هتسبلها قدامي ! بقولك ايه انا أساسا على آخري متخليهاش تيجي فيك .
مازن بحنق 
_ انت طالعلي من أنهي داهيه معرفش ! ياخي ارحمني سيبني اقول كلمتين من نفسي .
_ لا ماتقولش اسكت خالص احسن .
وجه علي أنظاره إلى كاميليا و قال باهتمام 
_ اخبار غرام ايه 
حاولت كاميليا أن تخفي ارتباكها قدر الإمكان فقالت بخفوت 
_ كويسه .
وصلت رساله نصيه علي هاتف مازن الذي تنفس الصعداء على إثرها فقد كان يحبس أنفاسه عند سماعه سؤال علي ليقول بنبرة مرحة أثارت دهشتهم 
_ ما تيجوا نطلع كلنا نطمن عليها 
التفتت إليه كاميليا
في حدة و لكن نظراته طمأنتها فارتاحت هي الأخرى و أيدت اقتراحه ليتوجهوا جميعا الى غرام التي كانت للان تحت تأثير قربه الذي أطاح بكيانها فتارة تلوم نفسها و تعنفها و تارة تتلمس شفتيها و تتخيل ما حدث لتزداد جنون دقات قلبها فكيف تستطيع مقاومة هذا الرجل فقد حطمها سابقا و الآن يأتي ليخبرها أنها تنتمي إليه و الغريب بأنه هناك جزء كبير منها يؤيده و يشعر بالإنتماء إليه فكيف تستطيع التغلب على معاناتها معه 
فاقت من شرودها على اقټحام كارما غرفتها و التي هرولت ترتمي في أحضانها لتبادلها غرام الحضن مع نزول انهار من الدموع من كليهما فقد خاضتا الاثنتان تجربة قاسيه و لكن لطف الله تدخل في الوقت المناسب لينقذهم و هم أكثر من شاكرين ..
_ ما خلاص بقى
انتوا مصرين تخلوني اعيط ليه 
هكذا تحدثت كاميليا التي هطلت دموعها هي الأخرى تأثرا بهذا المشهد فامتدت يد كارما تقربها منهما قائله من بين دموعها 
_ تعالي عيطي معانا تعال .
اقترب مازن من علي قائلا باستنكار 
هو ايه الاوفر دا 
أجابه علي بيأس 
_ امال انا اعمل ايه يا ابني عايش مع الاوفر دا طول حياتي .
_ الله يكون في عونك يا عم .
نظر له علي بطرف عينه و قرر إغاظته قليلا فقال بنبرة عالية 
_ قصدك ايه الله يكون في عونك دي يا مازن مش تحاسب على كلامك ! كارما عمرها ما كانت نكديه .
التفتت كارما إثر حديث علي و نظرت إلى مازن بطرف عينيها و قد تبدلت ملامحها من الحزن الى الڠضب 
_ ايه يا مازن هي مين دي اللي نكديه 
صدم مازن من تبدل حالها بتلك السرعه و قال بلهفه 
_والله ما قولت كدا .
_ اومال ايه يعني علي هيكذب 
اجابها مازن و قد ڠضب من ذلك الماكر فنظر إليه وقال پحده 
_ و دي محتاجه سؤال طبعا بېكذب .
تصنع علي الحزن قائلا .
_ اخص عليك يا مازن انا هكذب !
اندفعت كارما و قالت صائحه
مازن انا بحذرك اوعى تقول على علي كذاب مرة تانية ..
اغتاظ مازن من لهجتها و انحيازها الواضح لأخيها فقال بإنفعال
_ ما تيجي تاخديلك قلمين احسن !
_ أيه يا ابني انت اټجننت هتزعق لأختي و أنا واقف !
هكذا تحدث علي پغضب زائف ثم وجه أنظاره إلى كارما و قال بحنو مفتعل آثار حنق مازن بشدة 
_ مش قولتلك يا كارما يا حبيبتي دا مينفعناش دا بيعلي صوته عليك من دلوقتي و هو لسه ملبسش دبل حتي امال هيعمل ايه لما يكتب كتابه !
اندفعت كارما پغضب
_ تصدق عندك حق يا علي دا مالوش امان .
تعاظم ڠضب مازن و حنقه على ذلك الماكر علي و الذي يريد الإيقاع بينهم فحسب و تلك البلهاء التي تنساق خلف مخططه دون أن تدري فقال بجفاء 
_ تصدقي إن أنا عايز ضړب الجزمه ممرمط نفسي عشان سيادتك و في الاخر طلعت ماليش أمان .
لم يتثنى لها الرد عليه فقد قاطعهم عدة طرقات علي باب الغرفه ارتجف لها قلب كاميليا فقد شعرت بأنه من يقف خلف الباب و قد صدق حدسها حين أنفتح الباب وأطل عليهم بهيبته الطاغية فتصنعت اللامبالاة و آثرت عدم الالتفات نحوه و لكن جميع حواسها كانت معه 
_ حمد لله على سلامتك . عامله ايه دلوقتي 
هكذا تحدث موجها كلماته إلى غرام التي أجابته بامتنان
_ الحمد لله يا يوسف . ميرسي على كل اللي عملته عشاني انا و كارما .
أجابها بخشونة
_ انا معملتش حاجه . حمد لله علي سلامتك مرة تانية
تحدثت كارما هي الأخرى قائلة بعرفان 
_ بجد يا يوسف احنا مش عارفين نشكرك ازاي حقيقي ميرسي اوي .
كانت كلماتها كالبنزين الذي سكب على ڼار مازن فاندفع يقلدها بطريقة مضحكة 
_ ميرسي اوي يا يوسف مش عارفين نشكرك ازاي على اساس اني كنت رايح اسوق لهم للعربيه مانا طلع عين اهلي انا كمان . اللي ما حد قالي كلمه عدله توحد الله ! فالحه بس عماله تطبلي لأخوكي على قفايا .
أجابه علي بشماته 
_ يا ابني
بطل حقد و بعدين ما لازم تطبلي انت مين اصلا هو احنا نعرفك 
تعالت ضحكاتهم جميعا بما فيهم يوسف الذي كان ينظر إلى تلك التي تتحاشى بكل الطرق التقاء أعينهم فهو يعلم بأنه احزنها كثيرا و قد لام نفسه على جفاءه و حدته معها بهذا الشكل و لكن لا مجال الندم الآن فما حدث قد حدث ليقرر إنهاء هذا الحديث الدائر و المغادرة فهو يريد الانفراد بها بأي شكل ليقول بفظاظة
_ انا مضطر آخد كاميليا و ننزل عشان قدامنا سفر طويل .
الټفت إليه علي قائلا باستفهام
_ بسرعه كدا خليكوا معانا كمان يومين .
_ معلش يا علي مش هقدر في شغل في الشركه كتير متعطل لازم ارجع ضروري .
_ ربنا يعينك . كنت عايز اتكلم معاك شويه قبل ما تمشي .
هكذا تحدث علي فوافق يوسف مقترحا 
تعالي نطلع نتكلم بره على ما كاميليا تسلم عالبنات . 
اختتم حديثه و نظر إليها قائلا بجفاء
_ هستناك بره .
خرج دون أن ينتظر ليسمع ردها و قد تضاعف حزنها أكثر و لكنها لم تظهر ذلك و اخذت تتبادل الحديث مع الفتيات ..
أما في الخارج كان يوسف يتحدث مع علي الذي قال بعرفان 
_ بصراحه يا يوسف مش عارف اشكرك ازاي على كل اللي عملته معانا عشان نقدر نرجع البنات من تاني .
يوسف بخشونة
_ متقولش كدا يا علي احنا أهل . المهم انهم رجعوا بالسلامة.
_ اكيد طبعا أهل . بس كان لازم اشكرك و أن شاء الله دا دين في رقبتي و لازم اردهولك في